Viktima të zjarreve të ditëve të fundit janë shumë kafshë që u braktisën nga pronarët dhe ose u dogjën ose panë habitatet e tyre të përfshira nga flakët.
Në këtë kontekst, është bërë virale fotoja e fotoreporterit Nikos Christofakis nga zonat e djegura në zonën Oinois – Magoula, ku shfaqet një qen i nxirë nga tymi që qëndron i trishtuar përballë flakëve.
View this post on Instagram
Pamjet kapin në një mënyrë unike se si kafshët përjetojnë shkatërrimin e madh që ka ndodhur në 24 orët e fundit.
Fotoreporteri duke folur për OPEN tregoi se si e bëri foton: “Isha aty për të mbuluar ngjarjet. U ndala për të parë vendin. Në një kodër takova dy qen të vegjël, të cilët ishin të frikësuar dhe duke parë poshtë pashë që ishte një njësi prodhuese, një fermë, e cila kishte filluar të digjej”, tha z. Kristofakis.
“Ky qen i vogël qëndroi dhe më shikoi. Nuk bëra hapa përpara as mbrapa për ta nxjerrë jashtë sepse nuk doja ta trembja. Pas saj kishte edhe një shkëmb. Dhe teksa po shikonim njëri-tjetrin, bëra këtë foto”, shtoi ai.
Pasi bëri foton iu afrua qenit të vogël, por ai u tremb dhe u largua. Deri më tani nuk dihet nëse qeni ka pasur pronar apo është shpëtuar nga flakët.
“Sapo bëra foton, iu afrova dhe ajo filloi të vraponte. E mira është se ai shkoi në anën ku ishte një njësi tjetër dhe po derdhnin ujë. Në atë kohë po zbriste edhe zjarrfikësja. Edhe qeni i vogël kishte një zinxhir nga sa pashë. Por nuk e di nëse i përkiste dikujt apo ishte nga industritë”, tha ai.
